—gaiak—
2010 HERNANI
Atez atekoaren ongi etorri jaialdia Hernanin, 2010ean.
Oier Iurramendi, Unai Gaztelumendi eta Eli Pagola.
Iturria: http://www.flickr.com
2011ko txotx denboraldiari hasiera
Hernaniko Bertso Eskolak eman zion.
Iturria: http://pupilbags.blogspot.com
Bertso eskola honetan jende bat ez da 24 orduz bertsolaria izango baina bertsoa beti buruan bueltaka dauka. Hernanin bertsozalea aktiboa da: nahiz eta ez kantatu, saioak antolatzen ditu, bertsolariekin harreman zuzenagoa du.
[Beñat Gaztelumendi]
Hernanin parrandan atera eta askotan esaten dizute “bai, ni ere egun batean bertso eskolara joan nintzen”. Jende asko da bertso eskolatik pasea.
[Unai Gaztelumendi]
Pare bat kuadrilla gaude parrandan gaua tokatzen bazaigu bertsotan isiltzen ez garenak. Baina beste askorengan ezjakintasun handia ikusten dut bertsoa zer den, urtean zehar zer saio dauden...
[Arnaitz Lasarte]
Arnaitz Lasarte, Beñat eta Unai Gaztelumendi, Asier Azpiroz, elkartzen bagara parrandan, normalean bertso saioren bat izaten da bukaeran, etxeratu ezin horretan. Ingurukoren bat ere igual sartzen da tartean.... Patatak erosi, koskan eseri eta perla batzuk ateratzen dira.
[Oier Iurramendi]
Bakoitzak gure kuadrilla daukagu, baina parrandan bertso eskolakoak ikusiz gero trago bat behintzat hartzen dugu, eta askotan elkarrekin bukatzen dugu, kuadrilla ahaztuta.
[Asier Azpiroz]
Hernanin bertsolari erreferente asko dauzkate. Bertsolaririk ez dagoen herri batean zailagoa da bertso eskolarako pausoa ematea.
[Unai Gaztelumendi]
PLAZAK
Bertso zirkuitua nahiko finkoa eta egonkorra da: Bertso-Lata, Tabernetako txapelketa... ez dago dinamika berririk.
[Oier Iurramendi]
Gaztetxean bertso saio lizuna egin izan da, azkena 2011n. 2013an Gazte Asanbladak beste saio bat antolatu zuen.
[Asier Azpiroz]
Hernanin bertso eskolak protagonismoa dauka. Beti presente dago herrian, eta edozein ekitaldi dela, Dantzari Festa, presoen ongi etorriak... bertso eskolakoren bati deitzen diete. Kantatzeko aukera izaten da Hernanin, ez luze baina bertso bat-bi-hiruko saioak bai.
[Asier Azpiroz]
2012an Gazte Asanbladak antolatutako saioaren kartela.
Iturria: http://hernanikogazteasanblada.com
Osinagako festetan, Portuko festetan, San Inazio egunean Santa Barbaran... beti daude bertso eskolarekin lotutako plaza batzuk, eta bertso eskolan bazabiltza lehenago edo beranduxeago kantatzea tokatzen zaizu.
[Asier Azpiroz]
Elkartasun afari bat ere egiten da urtero, eta nire bertso ibilbidean momentu ederrenak hortxe pasatu ditut. Unai Gaztelumendi, Arnaitz Lasarte, Asier Azpiroz eta laurok biltzen gara, eta Jon Altuna “Oxan” aritzen da gai-jartzen. Santa Barbara elkartean izaten da, luze aritzen gara eta gustura!
[Oier Iurramendi]
EREÑOZU
“Ereñozu oso bertsozalea” esaten da, baina bertso afari bat antolatu eta kosta egiten da erantzuna lortzen. Atzetik jendea badator, Amaia Otxotorena, Arnaitz Lasarte, Oier Iurramendi... beraien artean bertsotan egiten dute, segida eman diote Hernaniko bertso eskolari... Ereñozun bertsozaletasuna beti izango da eta segida izango du.
Gure ondorengo gazte kuadrillan ere (nire anaiaren kuadrilla kasu) bada jende dexente bertsotan moldatzeko adina egiten duena, baina parrandan bakarrik, guk hasieran egiten genuen bezala. “Helduen bertso eskola bat egingo genuke” beti izan dugu ideia buruan baina ez dugu gauzatu. Aber noizbait hori egiteko kapaz garen.
[Aritz Zerain]
Etxeetan zaletasuna oraindik badago. Auzo honetan gehienak bertsozaleak dira, gutxiago edo gehiago. Eskolako irakaslea bera ere harrituta geratzen da bertsoa zenbat gustatzen zaien umeei. Gure umea, edo Aritzena, ikusten dituzu hiru urterekin eta bertsotan aritzen dira, edo bertsotan ari balira bezala. Falta dena da bertso eskola bat sortzea, eskolaz kanpokoa. Zaletasuna beti izan da, baina beti bukatu dugu kuadrillan puntuka, parrandan. Hor geratu da beti, pauso bat gehiago eman dugunak Aritz, Arnaitz eta hiruok gara, baina Hernaniko bertso eskolan bildu garelako. Bertan bertso eskola bat falta da edo bestela Hernanirako bidea gehiago irekitzea.
[Ibon Miner]
HERNANI ETORKIZUNEAN
1
Hogei urtera gaur halako bi
Hernani irudikatuz
Oria Menditik Donostiraino
auzo berriak finkatuz
herriko saltsa aldatuko da
bizimoduan fijatuz
nahiz ta astero plazan elkartu
kartel bat eta bi katuz
“Donosti a(d)ina europearrak
ez gara” aldarrikatuz.
2
Donostitikan Hendaiaraino
bat egitea a(ha)l bada
ezinezkoa eman lezake
baina asmoa hala da
ta badakigu metroa ere
beharrezkoa dala ba
lur azpitikan batuko dira
Bretxa eta Orkolaga
Euro-Hiriko suburbioak
behar du bere parada.
3
Lau agure zahar lehengo garaiak
ezin analizatuan
hanburgesari kozka eginez
ritmo paralizatuan
euskera hutsean Maxi-txotxeko
kupel galbanizatuan
hori izango da txakur berdea
artalde leziatuan
gure oxigeno bonbonatxoa
mundu globalizatuan.
4
Mestizajeak ekarriko du
munduko hainbat aurpegi
ilobak berak izan litzazke
oriente aldeko bi begi
larru azala ilun-iluna
zuri-zuri nahiz beilegi
apatx hartuta pentsatuko det
“hau bertsolaria bedi!
Afizioa gorde zak ondo
baina aitonari ez segi”!
[Unai Agirre, 2003an Joxe Legarretaren omenez
Ereñozun egindako bertso-emanaldirako jarriak]