—gaiak—
SAGARDO FESTAK 1990EAN
“SAGARDOA TXOTXETIK EUSKARA GOGOTIK” KANPAINA
Sagardotegian saioak egiten hasi ziren, lau bertsolarirekin. Gure taldean Maialen Lujanbio, Joxe Mari Mujika Anatx, Antton Garin eta ni ginen.
Guri lehenengo tokatu zitzaigun Zapirain, bigarrengo Bereziartua, hirugarrengoa Astarbe, laugarrengoa Borda, bosgarren Zelaia eta seigarren Itxasburu. Eta gero saio denak bukatu zirenean, denak Otsua-Enean egin genuen afaria. Hura mundua! Zelaianeko eta Otsua Eneko saioak irratian bota zituzten.
[Julian Ezeiza “Aterpe”]
Maialen Lujanbio ordurako ezaguna zen eta bere irrikaz etorri ziren Zelaiara komunikabideak, eta bera egun hartan gaixotu eta etorri ez!
[Antton Garin]
Zelaia sagardotegian, 1990-04-13
Laxaro Azkuneren bertso programan emana, Herri Irratian.
Antton Garin:
Arratsaldeon denori hemen
kantatzera gu bagatoz
modo onian ohitura zaharra
zeuri eakusteko modoz
giro edarra gaur egiteko
hirurok pentsatu asmoz
beteko gera bai bertsoakin
ta beteko gera sa(ga)rdoz.
Julian Ezeiza “Aterpe”:
Honen aurretik izandu degu
sagardozaleen deia
hauxen da guk beti borondatez
guztiontzat degun nahia
horretarako guk aukeratu
sagardotegi Zelaia
ia guztiok ospatzen degun
une goxo ta alaia.
Anatx:
Gabon lehenengo andre ta gizon
ohitura degun bezela
badakizute bertsotarako
gu apropos gatozela
ta Hernanin dan bertso eskola
hortakoak geradela
lehendabiziko opa dizuet
danoi on e(g)in dizutela.
Antton Garin:
Jende jatorra gaur ikusten det
hemen dela bai alkartzen
giro polit bat kupel aldian
jaunak baidegu ikusten
eskerrak ere sagardozale
ondo ai zerate portatzen
zuekin al bada egingo deu
geure euskera indartzen.
Julian Ezeiza “Aterpe”:
Eginkizuna al dan ondona
guk egingo degu bete
gaurkoak behintzat ez deigula gui
inolatan egin kalte
hemen dagola Anatx gaztea
Antton Garin ta Aterpe
kontuak kontu, baina afa(r)ia
ederra eman digute.
Anatx:
Arrazoi dezu, alabeharrez
bagendun nahiko afari
gu lau ginaden ordenatuak
ta orain hiru bertsolari
Maialen gaixo dagoela-ta
gu ari gera kantari
azkar sendatu dadila bera
irratitikan berari.
Antton Garin:
Oraintxen ere bertso batian
hemen egia esan du
laukotetikan neska jator bat
gaur egin zaigu faltatu
Maialen zutzat goatzen gera
beste batean azaldu
ta bitartian hemen daudenen
txalo guztiak zuk hartu.
Julian Ezeiza “Aterpe”:
Toki hontara bilduak gera
sagardozale geranak
lehenengo on ein digula danoi
hemengo jan ta edanak
hain gogozkuak Euskal Herriak
barrika hoitan dauden mamak
SIDArik ez du harrapatuko
hortik edaten duanak.
Anatx:
Badakizute bertsolaria
sagardo zalea dela
badakizute Udaletxeak
antolatu digutela
sagardo zalek lagundu ere bai
ohitura duten bezela
gu etorriko ez ote ginan
beldurra zuten bestela.
Antton Garin:
Gustatutzen zait giro edar hau
gainera denok armonin
euskera ere sagardotegin
indarra zula ez nakin
aspalditikan hola gabiltza
euskaldunak’e Hernanin
ta Astigarrakin elkartuta
lana ona dezute in.
Julian Ezeiza “Aterpe”:
Hemen da nonahi alkartasunak
nola diraden ezarri
aspalditikan guk badakigu
sagardotegiko berri
hamaika aldiz ziri haundiak
hemen botiaz elkarri
hemen ez bada bada kanpotik
zuek sagarra ekarri.
Anatx:
Guk esan ’be ere hoiek sagarra
lasai ekarriko dute
gero jendea nola dagoen
beraien lanaren truke
lehen gizonezko ta emakumeak
orain hainbeste emakume
emakumeak sagardotegin
gaizki ematen dezute.
“Anatx gerrarako etorri zaigu, ikusten denez!” (Laxaro Azkunek komentarioa, irratitik).
Auskalo zer astakeria bota nituen orduan! Akordatutakoa kantatzen genuen.
[Joxe Mari Mujika “Anatx”]
Antton Garin:
Euskaldunak’e Zelaia aldera
ondo eman dute pausuak
ikusten ditut gozo gozo gaur
dantzatzen bere basuak
merezi zute agur eder bat
hemen zuek irratikuak
eta hementxe zaudeten denek
me(re)zi dezute txaluak.
Julian Ezeiza “Aterpe”:
Halabeharrez etorri gera
sagardotegi batera
gaurko gure hemengo bilera
nola ez doan kaltera
urtero hau antolatu zuek
berriro etorriko gera
ia guziok elkartutzeko
izaten deguan era.
Anatx:
Sagardotegin era gozoan
bete liteke kikara
Hernani eta Astigarrako
udaletxeak anpara
ta bertso eskolan gaudenak ere
zuen eskutako gara
hola alkartzen bagera beti
indartu leike euskara.