—bertsolariak—
ASIER AZPIROZ IZTUETA
1991n Donostian jaioa
Zubietan bizi da
Argazkia: Estitxu Eizagirre.
Familia euskalduna dugu eta bertsoa beti gustatu izan da, baina ez bereziki ere. Baina beste giro batekoa izan banintz ez nuke bertsoa hain barruan edukiko.
HASIERAK
Amasorrain ikastolan bertso eskola sortu zen eskola orduz kanpo eta kuadrillatxo bat hasi ginen han, Amaia Agirrerekin. 10 urterekin hasi eta bi urte egin genituen.
Gero Amaiak segi ezin zuela eta Agin Laburu etorri zen eta harekin urtebete pasa genuen. Berak ikastera Bilbora joan behar izan zuenean Gaztelumendi anaiekin segi genuen.
HERNANIKO BERTSO ESKOLA
Udaleku batzuetara joan nintzen Hernaniko bertso eskolarekin. Jendearekin harreman ona egin eta handik aurrera Hernaniko bertso eskolara etortzen hasi nintzen, eta orain arte.
Hemen Itziar eta Estitxu bixkiak izan nituen irakasle. Haiekin urte batzuk egin, eta gure kasa hasi ginen bertsotan geratzen. Eta orain gu ari gara irakasle.
ESKOLARTEKO TXAPELKETA
Lehenengo aldiz 10 urterekin atera nintzen. Gaizki pasa nuen, ez dut gogoratzen eta ezta nahi ere. Baina bueno, nire buruarekin nahiko gustura geratu eta hurrengo urtean taldea atera genuen Añorgako hiruk. Sorpresa hartu genuen, finalera pasa ginen. Niri behintzat horrek moral handia eman zidan, gainera Amasorrain ikastolatik autobusa joan zen ikustera, agur bereziak egin genituen...
Gero Hernanin hasi nintzenean beste txikitako bi urteetan finalera pasa ginen eta behin Euskal Herrikora ere sartu nintzen nolabait! Handitako lehen urtean finalera sartu nintzen, hanka eskaiolatuarekin kantatu nuen finalean. Hurrengo urtean ez nintzen finalean sartu eta azkeneko bi urtetan bai.
|
Gipuzkoako Eskolarteko Bertsolari Txapelketa |
2001 |
Parte-hartzaile (Txikitan) |
|
Gipuzkoako Eskolarteko Bertsolari Txapelketa |
2002 |
Finalista (Txikitan, Añorgako Taldean) |
|
Gipuzkoako Eskolarteko Bertsolari Txapelketa |
2003 |
Finalista (Txikitan, Hernaniko Taldean) |
|
Gipuzkoako Eskolarteko Bertsolari Txapelketa |
2004 |
Finalista (Txikitan, Hernaniko Taldean) |
|
Gipuzkoako Eskolarteko Bertsolari Txapelketa |
2005 |
Finalista (Handitan) |
|
Gipuzkoako Eskolarteko Bertsolari Txapelketa |
2006 |
Parte-hartzaile (Handitan) |
|
Gipuzkoako Eskolarteko Bertsolari Txapelketa |
2007 |
Finalista (Handitan) |
|
Gipuzkoako Eskolarteko Bertsolari Txapelketa |
2008 |
Finalista (Handitan) |
|
Euskal Herriko Eskolarteko Bertsolari Txapelketa |
2003 |
Finalista (Txikitan) |
SARIKETAK
|
Erniarraitz |
2010 |
|
|
Axari |
2010 eta 2011 |
|
|
Bertxoko |
2010-2012 |
|
|
Lizardi |
2010-2012 |
|
|
Abra |
2011 |
Txapelduna |
|
Aztiri |
2012 |
|
|
Xenpelar |
2012 |
|
|
Bertsokatu Txapelketa |
2011 eta 2013 |
|
|
Mikel Laboa Bertsolari Txapelketa |
2013 |
Txapelduna |
|
Lizardi |
2013 |
Txapelduna |
Asier Azpiroz eta Patxi Etxeberria bertsolariak
2013ko Lasarteko San Pedrotako bertso saio berezian.
Iturria: Txintxarri aldizkaria.
Sariketetan dexente ibili naiz urte batzuetan (18tik 21 urtera arte).
PLAZAK
Plazetan 2011tik nabil. Ikasketengatik Gasteizen egon naizenez bizitzen, inguru hartako plaza batzuk egin ditut eta Hernani ingurukoak ere bai. Usurbil-Lasarte-Orio-Igeldo-Donostia alde horretan ere bai. 2012 eta 2013an urtean 30 bat saio egin ditut. Gu bertsolari ezagunen alderantziz gabiltza: Udan jaialdi asko izaten da eta normalean horietan ez dugu lekurik izaten, gu gehiago aritzen gara negu aldean, gaztetxeetako bazkari eta afarietan edo poteotan...
2013ko ekainean Lizartzan kantatu nuen Iker Zubeldiarekin. Gaztetxeak antolatuta, 80 lagunek afaldu genuen. Oso giro ona zegoen eta bertsotan asmatu genuela iruditzen zait, etxera kotxean kontentu etorri nintzen behintzat.
Asko kantatu dut bertso eskolakoekin, gehiena Unai Gaztelumendirekin. Eta bestela adin beretsukoak diren Beñat Iguaran, Mikel Artola, Oier Aizpurua, Aitor Urbieta, Ane Labaka... Agin Labururekin noiz edo noiz ere bai...
2011ko Gipuzkoako Txapelketan, Zumarragan
kamisetan erraustegiari moratoria eskatuz.
TXAPELKETAK
|
Gipuzkoako Bertsolari Txapelketa |
2011 |
Final zortzirenak |
Oso esperientzia ona izan zen. Txapelketa formatoa oso egokia zen guretzako. Bakoitzak bi saio egiten genituen. Bazkariak antolatu ziren eta giro ederra egon zen.
Irailean Azkoitian kantatu nuen eta han berriz oso saio txarra egin nuen.
Pankarta, manifa, lema
kapitala ta sistema.
Politikaren dema
fartsa hutsa da dena
ni beti apolitiko,
nirea egin ta kito!
Bikotera banaiz batu
ezkontzea dut sakratu.
300 gonbidatu,
luntx ta festa pribatu
eta elizatik noski,
soineko txuri ta guzti.
Independizatu nahian
jubilatzeko garaian,
pisu txiki bat kaian
Donostian, Zumaian
ta ordaintzeko bikoteka,
hartuko dut hipoteka.
Bizi naiz izorratuta
lan baldintzek behartuta,
10 ordu sartu ta
700 kobratuta
baina hori bai lana da,
afortunatuak gara!
Greba deitzen badigute
motiboak mila guk e(re)
Baina grebaren truke
soldata kentzen dute,
hobe lanera zuzendu,
nagusiak esaten du.
Erosketetan merkantzi
soineko ta bainujantzi.
Markadun elegantzi
eta kontsumo antsi
arropa eta arropa
merkealditan dago ta.
Herrigintzan murgiltzeko
lokarturik gabiltz asko.
Negua arintzeko
kontsolan aritzeko
lokal barruan gotortu,
ta kaleak basamortu.
Musika bera aditzen
Usurbilen ta Parisen.
Diskografia gizen
eta urrezko izen
musika berri, askea,
gora Euskadi Gaztea!
Kultura artean hegan
aritzeko nago greban.
Abuztu bukaeran
pasako dut primeran
hango diskoteken brisan
aste osoa Ibizan!
Gazteri ez kontsumista
ta antikapitalista
eratzeko argizta
buru hoiek aldizka.
Antolatu ta oldartu,
ezin gaitezke lokartu.
[Asier Azpiroz, Usurbilgo Santixabel Bertso-Paper Lehiaketa ]
03-12 Azpeitia, sariketa
Urte askotan izan duzue bikote harremana. Orain Asier Azpirozek uztea erabaki du, eta Maialen Velardek ezin du onartu.
A. Azpiroz:
Gaurtik aurrera gera
gu bikote ohiak
pasatu diralako
lehengo sasoiak.
Ohe kontuan ginan
gu biok lehoiak
astintzen genituen
sofa eta ohiak
ta orain bihurtu gera
rutinan morroiak.
M. Velarde:
Sinistu nahiko nuke
diotsut serio
rutinan omen gaude
ze erremedio!
Elkarrekin pasata
lau kalendario
lehen lagun eta orain
elkar arerio...
Buruak baietz baina
bihotzak ezetz dio.
A. Azpiroz:
Nun da garai bateko
neskatxa ausarta?
Herriko politena
ohean aparta
ta ez dezu onartu nahi
jesus hau da marka!
Arrazoia hauxe da
esatea barka:
begietan ez dezu
lehengo txinparta.
M. Velarde:
Txinparta joaten zaizu
hogei segunduan
ta berdina pasatzen
ohe inguruan
nik maitasuna nuen
nire helburuan
baina aldatu zaizu
azkenengo orduan:
sexua bakarrikan
daukazu buruan.
A. Azpiroz:
Sentimentuak ere
badauzkat ta aizu
ta zuk burua altxa
eta ez egon kexu.
Zure bizitzarekin
jarrai dezakezu
oraindikan benetan
polita zaude zu
ta ni baino hobe bat
bilatuko dezu.
M. Velarde:
Sentimentuak ditu
zeinen romantiko!
Sentimentuak aspaldi
utzita mutiko.
Maitasuna betiko
ez du ikusiko
azpikoa egiten da
ximeldu ta kito
ta ni ez naiz zure zain
betiko jarriko.