Gure baserriak
Hiazinto Fernandorena Setien / Maria Jesus Iartza Martiarena, 2003
Eziago
(hondakinak)
Ez da batere lanbide erraza izen honen sustraia zein den aurkitzea. Esan dezadan “Ceago” azaltzen zaigula Errota eta burdinolen zerrendan eta “Eciagu” (Molino harinero) “Nomenclator” (1870) delakoan. Iradia (irastorra den lekua) dela Eziago ikusia dut nonbait. Ez nago ziur non.
Baserri polita omen bere garaian, errota izana, gainera, eta burdinola lehenago. Abeltzaintza eta laborantzarako egokia. Lur onak eta erribera puska batez osatua.
Azken aldera hiru anaia bizi izan ziren bertan: Manuel hanka motza, Xanti arotza eta Anizeto. Honen baitan baserriaren ardura. Joxe “Ezio” itzaina ere horien anaia omen.
“Biyak Bat” papelerak irentsi zuen funtsean Eziago baserria.