Edukira joan
Ondarea guztiona delako
 
Mostrar/ocultar menú principal de navegación [eu]
Gure baserriak
Hiazinto Fernandorena Setien / Maria Jesus Iartza Martiarena, 2003
Karobitxulo | Ereñotzu auzoa | Abillats

 

Ereñotzu auzoa

 

AUZOAREN HISTORIA LABURRA

      Kronologia apur bat jarraituz, lehenengo burura datorkiguna zera da, Ereñotzu deitu etxe nagusia ikusita, beronen eitea eta lekumena ikustearekm bakarrik ospe handiko etxe baten aurrean gaudela, mendeak pasatuta ere, edonor ohartzeko moduan. Ereñotzu etxe nagusia edo nagusi etxea biak bildu baititu bere baitan iraganeko mendeetan honek. Ez zen edonor Ereñotzuko jauna eta ez edozein beronen etxea ere, jauretxe, dorretxe.

      Ereñotzuko jaunak eraikia da Hernaniko agustindar lekaimeen monasterioa, eta ez oraintxe. Juan Martinez de Hereñozu jaunak fundatu zuen (1544). Gainera, bertako bi burdinolen jabe ageri zaigu Ereñotzuko jauna garaitsu horretan. Hari honetara, hiruko polita dugu Olaondo, Olaburu eta Bazterrola hiru baserriok osatzen dutena ere esan dugunaren lekuko. Lonja izena daraman etxea ere hor dago eta berdin lehengo burdinola edo errotaren hondakinak.

      Elizaren eraikuntza dator gero, 1866an, lehenik ermita, gero parroki bilakatu zena. Auzolanean. Txirritak baditu bertso batzuk eraikin honi buruz. Hona hemen:

 

            Nikolas aundi arotz burua

            dana guzien aurrian.

            Nere aita eta “Bizarro” berriz

            ganaduakin lorrian.

            Beste batzuek arriya biltzen

            Alkatxuin 'go larrian.

            Ermitatxo au egin ziguten

            Txokolateren lurrian.

 

            Don Agustinek ateria zan

            Lendabiziko idia.

            Gizarajua gizon ona zan

            prestua eta noblia.

            Nere aitak ere izan biar zun

            Ontza bat urre botia.

            Au egiteko emana zuan

            nik biar nuan dotia.

 

      Ondoren Eskola etorriko zen, eta etxebizitza berriak, geroago. Hona bada zer eta nola joan den Ereñotzu etxe izatetik, jauretxe nahi bada, auzo bilakatzera.

 

BASERRIAK

• Abillats

• Akola

• Alkatxurain

• Arriurdineta

• Bazterrola (Bastola)

• Ereñotzu (Txilibita)

• Iturralde

• Izeneder

• Larregain

• Larregain Behekoa

• Latsa

• Olaburu (Goikoetxe)

• Olaondo (Txokolate-Enea)

• Otxakil-Enea

• Sahatsain

• Txabolategi

• Ubarreto

 

SOLASKIDEAK

• Altuna, Pilar (Sahatsain)

• Antzizar, Maria Pilar (Iturralde)

• Artola, Jose Luis (Alkatxurain)

• Artola Leonet, Jabier (Larregain Behekoa)

• Lizeaga, Klara (Olaburu)

• Lizeaga Patxi (Ubarreto)

• Miner, Julene (Arriurdineta)

• Oiarbide Elortza, Iñaxi eta Esteban (Ereñotzu-Txilibita)

• Oiarbide Marko, Florian (Abillats)

• Oiarbide, Telesforo (Txabolategi)

• Oiartzabal, Rufina (Izeneder)

• Santa Kruz, Maria (Akola)

• Santa Kruz, Pedro (Larregain Behekoa)

• Urdanpileta, Joxe Mari (Olaondo)

 

Karobitxulo | Ereñotzu auzoa | Abillats